ગુરુપૂર્ણિમા :-

ગુરુપૂર્ણિમા :-

ગુરુપૂર્ણિમાનું પર્વ અનુશાસનનો સંદેશ લઇને આવે છે.  દરેક સાધકે આત્માનુશાસનની ક્ષમતાને જાગૃત અને વિકસિત કરવી જોઇએ.

ગુરુ કોઇ વ્યક્તિ નથી પરંતુ સત્ માર્ગ પર આગળ જવા માંગતા જિજ્ઞાસુ સાધકોને માર્ગદર્શન તથા સહારો આપનાર ઇશ્વરીય ચેતનાનો જ એક અંશ છે.

“ગુરુ ર્બ્રહ્મા ગુરુર્વિષ્ણુ, ગુરુ દેવો મહેશ્વરા :

ગુરુ સાક્ષાત પરર્બ્રહ્મા તસ્મૈ શ્રી ગુરુત્ર્વે નમ: ॥ ” નું

સબોધન પણ કોઇ વ્યક્તિને નહીં પરંતુ તે ચિરંતન શક્તિને ઉદ્દેશીને જ થાય છે.  મનુષ્યના રૂપમાં રહેલાં સાચા ગુરુમાં પણ તે જ ચેતના વિકસિત અને શક્તિરૂપમાં રહેલી હોય છે.

શરીરધારી ગુરુ તો પોતાના અંત:કરણમાં રહેલ સદ્દગુરુને જાગૃત અને વિકસિત કરવામાં ફકત મદદ જ કરી શકે છે.  તેમની આ જ ઉપયોગિતા છે.

વર્તમાન યુગમાં ‘ગુરુ’ બનવું એક શોખ અને ઢોંગ માત્ર બની ગયો છે અને તેથી ‘ગુરુ’ શબ્દ કટાક્ષમાં વપરાય છે ત્યારે ભ્રમણાઓથી બચવા માટે સીધા સદ્દગુરુની શરણમાં જવું જોઇએ.  સદ્દગુરુના આદેશ અનુસાર આચરણની યુગસાધનામાં પ્રવૃત્ત રહેવાથી દિવ્ય સહાય મેળવવાની શક્તિ ધીમેધીમે વિકસિત થતી રહેશે.  ભગવાન દત્તાત્રેયને જે રીતે એક બે નહીં પરંતુ ચોવીસ ગુરુ મળ્યા હતા તે રીતે ઉપરોકત પ્રકારના સાધકોને મનુષ્ય દેહધારી અથવા તો અન્ય માધ્યમ દ્વારા માર્ગદર્શન અને સહાયનાં અનેક સ્ત્રોતો મળતાં રહેશે.