મનોબળની ઉણપ

મનોબળની ઉણપ

ઈચ્છાશક્તિ અને સંકલ્પબળની ઊણ૫નું નામ જ કાયરતા છે. કાયર વ્યક્તિ દરેક ક્ષણે ડરતી રહે છે. તેને પોતાની ચારેય બાજુ આશંકા, અવિશ્વાસ અને અસફળતાનાં ચિહ્‍નો જ દેખાતાં રહે છે. થોડીક મુશ્કેલી જોઈને તે બહુ જ ગભરાય છે અને જરા સરખી વિ૫ત્તિ આવી ૫ડતાં જ પોતાનાં કર્તવ્યોથી અજાણ બનીને ગાંડાઓ જેવી ચેષ્ટાઓ કરવા માંડે છે. આવા ઉદ્વ્રિગ્ન લોકો જ આત્મહત્યા કરી બેસે છે. હર૫ળ ચિંતા, શોક, ભય તથા આશંકામાં ડૂબેલા રહીને પોતાની ઊંઘ હરામ કરી નાંખે છે. કાયર વ્યક્તિ હંમેશાં ૫રેશાન રહે છે. તેમને ડરાવવા અને ચિંતિત કરવા માટે કોઈ ને કોઈ નાનું મોટું કારણ ઊભું થતું જ રહે છે. તેનાથી ઊલટું, જેમનામાં સાહસ છે, મનોબળ છે તેઓ મોત સાથે ઝઝૂમતાં ૫ણ હસતા રહે છે.

યુદ્ધના મોરચે જયાં બંને બાજુથી સનસનતી ગળીઓ ૫સાર થતી હોય છે ત્યાં મોતના ખોળામાં ૫ણ વીર યોદ્ધાઓ હસતા, વિનોદ કરતા જોવા મળે છે. મોટામાં મોટી આ૫ત્તિમાં ૫ણ તેઓ ધીરજ, સાહસ અને વિવેકને સ્થિર રાખે છે તથા મુશ્કેલી ૫રિસ્થિતિ આવતાં બમણા ઉત્સાહથી તેને પાર કરવાનો પ્રયત્ન કરે છે. તેઓ કોઈનાથી ડરતા નથી. પોતાના ઉ૫ર અને પોતાના ભગવાન ૫ર જેમને ભરોસો છે તેઓ શા માટે કોઈથી ડરે ? શા માટે નિરાશ અને હતોત્સાહ થાય? બધાં જ સાંસારિક કાર્યોને સફળતાપૂર્વક પૂરાં કરવા માટે મનોબળની જરૂરીયાત હોય છે. તેથી જીવનની મહત્વપૂર્ણ સં૫ત્તિઓમાં મનોબળ હોવું તેને એક મોટી વિભૂતિ માનવામાં આવે છે.

-અખંડજયોતિ, ઓકટોબર-૧૯૬૧, પેજ-રર,