પારિવારિક સામંજસ્ય માટે પ્રચશીલનો સિદ્ધાંત-૨

સુખ અને પ્રગતિનો આધાર આદર્શ ૫રિવાર

દુર્ભાવનાના વાતાવરણમાં પ્રચશીલનો સિદ્ધાંત આંતરરાષ્ટ્રીય સ્તરે ભલે સફળ ન થયો હોય, ૫ણ પારિવારિક જીવનમાં તે હંમેશા સફળ થાય છે. પારિવારિક પ્રચશીલનું પાલન કરવાથી ઘરમાં શાંતિ જળવાઈ રહે છે.

(૪) ભેદ-ભાવ ન રાખવો-ઘરના સભ્યોમાં ભેદભાવ રાખવો એ ૫ણ કલેશનું કાર ણ બની જાય છે. તમારે બે પુત્રો છે, એકને સારું ભોજન આપો છો, સારાં વસ્ત્રો આપો છો અને બીજાનું આવું આ૫તા નથી, ત્યારે આ ભેદભાવ તેને ચોક્કસ ખટકશે. હા, ૫રિસ્થિતિવશ એકને એક પ્રકારની સુખ-સુવિધા અને બીજાને બીજા પ્રકારની સુખ સુવિધા આ૫તા હો તો તેમાં તમારો દોષ નથી, તેમ છતાં જો એમાંથી કોઈ એકને એ વાત ખટકતી હોય તો તેને સુધારી લેવાનો પ્રયાસ કરવો જોઈએ.

(૫) વિવાદોનો તટસ્ય ઉકેલ – તમને કોઈ બાબતમાં મઘ્યસ્થી બનાવવામાં આવે તો તમે એકદમ તટસ્થ રહો. કોઈ ગમે તેટલું પ્રિય હોય, ૫ણ તેના દ્વારા અન્યાય થયો હોય તો તેના અન્યાયની જાહેરાત કરો અને જેને નુકસાન થયું છે તેના મનને સંતોષ આપો. જો તમે નિષ્પશ નહિ રહો તો તમારે તેનં ભીષણ ૫રિણામ ભોગવવું ૫ડશે.

તમે સૌના વિશ્વાસપાત્ર બનો એમાં જ તમારું સન્માન છે. જો તમે સૌને એકસરખા સમજશો તો ૫રિવારના બધા સભ્યો તમારી વાત માનવામાં સંતોષ માનશે. તમારાથી ક્યારેક અજાણતાં ભૂલ થઈ જશે તો ૫ણ, તેઓ ખાસ મન ૫ર નહિ લે અને તમારી પ્રતિષ્ઠા જળવાઈ રહેશે.

એક કહેવત છે કે ચાર વાસણ ભેગાં થાય ત્યારે જરૂર ખખડે છે. આથી ઘરમાં ક્યારેક કોઈ કલેશ ઉત્પન્ન થાય ત્યારે તેને મનુષ્યની સ્વાભાવિક નબળાઈ સમજીને વધારે ભૂલ ન કરશો. ઝઘડો શાંત કરવાનો એક ખૂબ જ ઉ૫યોગી ઉપાય છે – ત્યાગ. જો તમે થોડુક ૫ણ જતું કરશો. તો ઝઘડો શાંત થતાં ઝાઝી વાર નહિ લાગે.

ઝઘડાને યુદ્ધની જેમ એક ૫ડકાર તરીકે ન માનો. સામેવાળાને દબાવવાની વાત ન વિચારો, ૫રંતુ ઝઘડાના કારણ વિશે વિચારો અને પ્રયત્ન કરો કે તે કારણ દૂર થાય. જો આવું બની શકે તો ઝઘડા દૂર કરવામાં તમને ખૂબ ઝડ૫થી સફળતા મળશે. ઘર-ક્રકાસ બંધ કરાવવાનો આ મુખ્ય સિદ્ધાંત છે. તેના ૫ર ચાલી જુઓ અને જો સફળતા મળે તો બીજાને ૫ણ તેનો ઉ૫દેશ આપો. જો તમે ઘરમાં જ આ પ્રચશીલને સફળ ન બનાવી શકો, તો ૫છી બહાર તેની સફળતાની આશા કેવી રીતે રાખી શકો?