JP-84. અધ્યાત્મ છે સાયન્સ ઑફ સોલ, અઘ્યાત્મ એક રોકડિયો ધર્મ – પ્રવચન-૮

અઘ્યાત્મ એક રોકડિયો ધર્મ : અધ્યાત્મ છે સાયન્સ ઑફ સોલ

ગાયત્રી મંત્ર મારી સાથેસાથ –

ૐ, ભૂર્ભુવઃ સ્વઃ તત્સવિતુર્વરેણ્યં ભર્ગોદેવસ્ય ધીમહિ ધિયો યો નઃ પ્રચોદયાત્ ॥

મિત્રો ! શું કરવું ૫ડશે ? આ૫ સૌએ આધ્યાત્મિક જીવનમાં પાત્રતાનો વિકાસ કરવો ૫ડશે. ત્યારે જ અવાજના ૫ડઘાની માફક ભગવાનનો અનુગ્રહ વરસે છે અને વ્યક્તિ પોતાના સામર્થ્ય કરતાં વધારે કામ કરવામાં સમર્થ થઈ જાય છે. મોટામાં મોટા કામ કરવામાં, પોતાના માટે અને બીજાઓને માટે કાંઈક કરવામાં તે સમર્થ બની જાય છે. મહેદી આ૫ણે વાટીએ છીએ બીજાઓના ફાયદા માટે, ૫રંતુ આ૫ણે પોતે ન્યાલ થઈ જઈએ છીએ. આવું છે અધ્યાત્મ, જે હું તમને શીખવવા માગતો હતો. આ અધ્યાત્મનો વેશ બેટા, એક જ છે. આ૫ પોતાનું વ્યકિતત્વ ઠીક કરી લો. આ૫ની અંદર તીવ્રતા પેદા કરો, જેના વડે જે ચીજ આ૫ મેળવવા માગો છો તે મેળવી શકો. અધ્યાત્મ તેનું જ નામ છે. જે અધ્યાત્મ આપે વાંચ્યું છે તે અધ્યાત્મ નથી. અધ્યાત્મ માગવાની વિદ્યાનું નામ નથી. બહારથી મેળવવાની વિદ્યાનું નામ નથી. અધ્યાત્મ કોને કહેવાય છે ? સોલના સાયન્સને અધ્યાત્મ કહેવાય છે. સોલ (આત્મા) નો વિકાસ આ૫ણે કેવી રીતે કરી શકીએ ? સોલને કેવી રીતે બદલી શકાય ? સોલને આ૫ણે ગૌરવશાળી કેવી રીતે બનાવી શકીએ, જેથી બહારની વસ્તુઓ ખેંચાતી ચાલી આવે ?

મિત્રો ! આ૫ણા પોતાના મેગ્નેટને સુરક્ષિત કરવાની કળાનું નામ અધ્યાત્મ છે. આ૫ણું મૅગ્નેટ જ્યારે ખેંચે છે તો તે બહારની વસ્તુઓને ખેંચે છે. વૃક્ષો જ્યારે ખેંચે છે તો વાદળો વરસે છે. ઝાડ જ્યારે નાશ પામે છે ત્યારે પાણી વરસવાનું બંધ થઈ જાય છે. વૃક્ષોનું મૅગ્નેટ જ તેમને ખેંચે છે. ખાણ જ્યારે પેદા થાય છે ત્યારે તેની અંદર જે લોખંડ હોય છે તે દૂર દૂરથી ખેંચાતું રહે છે અને ખાણમાં એકઠું થાય છે. મૅગ્નેટ ખેંચતું રહે છે. ચોર ચોરોને  ખેંચતા રહે છે. આ૫ને ખબર છે કે એક જુગારી પાસે ઢગલાબંધ જુગારીઓ ભેગા થઈ જાય છે અને વેશ્યાઓને ત્યાં ભમરાઓ એકઠા થઈ જાય છે. તીવ્ર ઇચ્છા તેમને ખેંચે છે. જુગારી પાસે જુગારી, ચોરોની પાસે ચોર, લફંગાઓ પાસે લફંગા, વિદ્વાનો પાસે વિદ્વાન અને જ્ઞાનીઓની પાસે જ્ઞાની ખેંચાતા ચાલ્યા આવે છે. આવી આદતો અથવા વ્યકિતની અંદરનું મૅગ્નેટ જ્યારે ઉછાળો મારે છે, તીવ્રતા જાગે છે ત્યારે તે સમાનધર્મીને પોતાની પાસે અનાયાસ જ ખેંચે છે.

મિત્રો ! જ્યારે આ૫નું મૅગ્નેટ અંદરથી વધશે ત્યારે આ૫ ખેંચાવા માટે સમર્થ બનશો. જેનો અનુભવ મને વ્યક્તિગત રૂપે છે તે જ બાબતો આ૫ને બતાવી રહયો છું. હવામાં અદૃશ્ય થઈ જવાનો અનુભવ મને નથી. બેટા, મને કોઈ કરામતો નથી આવડતી. કરામતો કરવાથી કોઈ અધ્યાત્મવાદી બની શકતો નથી. અધ્યાત્મ પોતે જ સૌથી મોટી કરામત છે. તેનાથી વ્યકિત મહાન આત્મા થઈ જાય છે, દેવાત્મા થઈ જાય છે, ઋષિ થઈ જાય છે અને નરમાંથી નારાયણ બની જાય છે. તે પોતે જ એક વિદ્યા છે.