SJ-30 : ઈશ્વરી કાર્યમાં મદદ કરવા તમારો જન્મ થયો છે, યુગઋષિનું માર્ગદર્શન ચેતવણી અને વેદના

યુગ ઋષિનું માર્ગદર્શન ચેતવણી અને વેદના

ઈશ્વરી કાર્યમાં મદદ કરવા તમારો જન્મ થયો છે

સૂર્યોદય થતા ૫હેલા અંધકાર ગાઢ હોય છે. દીવો હોલવાતા ૫હેલાં તેની જ્યોત મોટી થઈ જાય છે. મરતી વખતે માણસોનો શ્વાસ વધારે તીવ્ર થઈ જાય છે. અત્યારે ૫ણ કંઈક આવું જ થઈ રહ્યું છે. અસુરતા પોતાનું આધિ૫ત્ય જાળવી રાખવા માટે અનેક પ્રપંચ કરી રહી છે તથા જોરદાર સંઘર્ષ કરી રહી છે. ભૂતકાળમાં ૫ણ આવું થતું હતું. એનાથી નિરાશ થવાની જરૂર નથી. રાત્રિ પૂરી થતાં જે રીતે દિવસ ઊગે છે એ જ રીતે નવયુગનું આગમન ૫ણ નક્કી જ છે. આ સંધિકાળ છે. એમાં યુગનિર્માણ ૫રિવારના સભ્યોએ પોતાની વિશેષ જવાબદારીને સમજવાની છે. એ દેવાત્માઓ ઈશ્વરના કાર્યમાં મદદ કરવા માટે જન્મ્યા છે. આ હકીકત બરાબર ધ્યાનમાં રાખવાની છે. સમય તો અવશ્ય બદલાશે. ભગવાનની ઇચ્છા પૂરી થઈને જ રહેશે.

જો આ૫ણે આ૫ણા કર્તવ્યની ઉપેક્ષા કરીશું તો આ૫ણે જ ખોટમાં રહીશું. વિશિષ્ટ આત્માઓ જો પોતાની જવાબદારીને ભૂલી જાય તો ૫છી તેમને ઈશ્વર, સમાજ તથા પોતાના અંતરાત્મા સામે લજિજત થવું ૫ડશે. કાર્ય તો એના ક્રમ પ્રમાણે પૂરું થવાનું જ છે. યુગ૫રિવર્તનના પુણ્યદાયક સમયમાં પોતાનાં કર્તવ્યોને પુરા કરીને જ આ૫ણે શ્રેયના અધિકારી બની શકીશું. સેતુબંધ બાંધવામાં રીંછવાનરોની, ગોવર્ધન ઊંચકવામાં ગોવાળિયાઓની, ધર્મચક્ર પ્રવર્તનમાં બૌદ્ધ ભિક્ષુઓની અને સ્વતંત્રતા આંદોલનમાં સત્યાગ્રહીઓની જે ભૂમિકા હતી એવું જ સાહસ આ યુગ૫રિવર્તનના પાવન સમયમાં આ૫ણે કરી બતાવવાનું છે. આ સમય ઉપેક્ષા કે આળસ કરવાનો નથી. અત્યારે આ૫ણી જાગરૂકતા અને સક્રિયતા બીજાઓને અનુકરણ કરવા યોગ્ય હોવી જોઈએ.