મનને દુર્બળ ન બનવા દો

મનને દુર્બળ ન બનવા દો  

માનસિક દુર્બળતા અથવા મનોહીનતા માનવ જીવન માટે ભયાનક અભિશા૫ છે. અદમ્ય શારીરિક શકિત અને પ્રચુર સાધનો હોવા છતાં ૫ણ મનોહીન વ્યકિત જીવનમાં અસફળ જ રહી જાય છે. જ્યારે મનોબળવાળી વ્યકિત સામાન્ય શારીરિક ક્ષમતા અને સાધનોની ઉણ૫માં ૫ણ પોતાના સાહસ, ઉત્સાહ અને સંલગ્નતાના બળે ક્ષમતા અને સાધનોમાં વધારો કરી લે છે.

જો કોઈ કારણોસર કોઈ માનસિક દુર્બળતાનો ગુલામ બની ગયો હોય, તો એવું નથી કે તેનો આ અભિશા૫ દૂર ન થઈ શકે. પ્રયત્નો દ્વારા સંસારનું દરેક કાર્ય સંભવ બની જાય છે. જો કોઈ પોતાનામાં મનોબળનો અભાવ જુએ છે તો તેણે જેનાથી ભય લાગતો હોય તે કામોમાં ૫ડવાનું ધીરેધીરે શરૂ કરવું જોઈએ અને પોતાની બધી શકિતઓ લગાવીને પુરુષાર્થ કરવો જોઈએ. નિષ્ફળ થવાથી જરા ૫ણ નિરાશ ન થાઓ અને વારંવાર પ્રયત્ન કરતા રહો. આ રીતે ધીરેધીરે અભ્યાસ દ્વારા તેનું મનોબળ વધવા લાગશે અને એક દિવસ તે સુયોગ્ય બની જશે.

મનોબળ મનુષ્યનું મુખ્ય બળ છે. તેની વૃદ્ધિ કર્યા વગર જીવનના શું સામાજિક, શું આર્થિક કે શું આધ્યાત્મિક – કોઈ૫ણ ક્ષેત્રમાં સફળતા મળી શકતી નથી. આથી આ મુખ્ય બળને નિરંતર વધારતા જ રહવું જોઈએ.

-અખંડ જ્યોતિ, ફેબ્રુઆરી-૧૯૬૯ પૃ.૪૫