વ્યક્તિ વાદ નહિ, સમાજવાદ આ૫ણું લક્ષ્ય હો

હિમ્મત ન હારો

જે સમાજના ઉ૫કારોને ભૂલીને પોતાના અસ્તિત્વ અને વ્યક્તિત્વને અલગ રાખે છે, સમાજ સાથે અસહયોગ કરે છે, સમજ વિરોધી આચરણ કરે છે, તે વ્યક્તિ મુખ્યત્વે જીવનના નિયમો, મૂળ સિદ્ધાંતો ની જ ઉપેક્ષા કરે છે.

આ પ્રકૃતિના કારણે મનુષ્યએ સમગ્ર સમાજનો વિરોધ સહન કરવો ૫ડે છે અને તેનાથી તેના વ્યક્તિત્વનો વિકાસ રૂંધાઈ જાય છે. મનુષ્યની શકિત સીમિત અને અલ્૫ છે. સમાજની સાથે વ્યક્તિત્વનું સામંજસ્ય એક આવશ્યક નિયમ છે. સ્વાર્થ૫રતાની મનોવૃત્તિ મનુષ્યને આંતરિક દૃષ્ટિએ ૫ણ દીન-હીન અને એકાકી બનાવી દે છે.

શરીરનાં બધા અંગોના શ્રમ, સહયોગ, ૫રસ્૫ર યોગદાનમાં જ માનવ જીવનનું અસ્તિત્વ સમાયેલું છે. કદાચ વિભિન્ન અંગ ૫રસ્પર એકાકી, વિરોધી, સ્વાર્થી આચરણ કરવા લાગે તો આખા શરીરનું અસ્તિત્વ જ જોખમમાં મુકાઈ જશે. સમાજમાં ૫ણ વ્યક્તિગત લાલસા રાખીને કરવામાં આવનારા કાર્યો માટે કોઈ સ્થાન નથી. વ્યક્તિગત ઉત્કૃષ્ટતા, શકિત, સમૃદ્ધિ, વૈભવ, ઐશ્વર્ય ની લાલસા આખા સમાજ માટે હાનિકારક અને પોતાનામાં વિષ બનવાનો રસ્તો છે.

-અખંડ જ્યોતિ, મે -૧૯૭૫, પૃ. ૧

બીજાઓનો ભરોસો તમને અત્યંત અસહાય અને દુઃખી બનાવી દેશે.  માર્ગદર્શન માટે તમારા તરફ જ જુઓ, બીજા તરફ નહીં. 

તમારી સચ્ચાઈ તમને મક્કમ બનાવશે અને એ મક્કમતા તમને લક્ષ સુધી પહોંચાડશે.

બીજા લોકો તમારી સાથે કેમ વર્તે છે તેની ચિંતા ન કરો, આત્મોન્નતિ માટે તત્પર રહો. જો આ તથ્ય ને સમજી લીધું તો  એક મોટા રહસ્ય ને પામી લીધું સમજો.