જીવનના સ્વરૂ૫ અને ઉદ્દેશ્યને સમજો

જીવનના સ્વરૂ૫ અને ઉદ્દેશ્યને સમજો

રેશમનો કીડો પોતે પોતાનું કવચ ગૂંથે છે અને તેમાં બંધાઈને રહી જાય છે. કરોળિયાને બંધનમાં બાંધનારું જાળું તેનું પોતાનું જ બાંધેલું હોય છે. તેને તેની પ્રવૃત્તિની પ્રતિક્રિયા જ કહી શકાય. જ્યારે રેશમાનો કીડો કવચ માંથી બહાર નીકળવાની વાત વિચારે છે તો વણવાની જેમ તે કાતરી નાંખવામાં ૫ણ કોઈ મુશ્કેલી થતી નથી. કરોળિયો પોતે ફેલાવેલા જાળાંને જ્યારે ઇચ્છે ત્યારે સમેટી ૫ણ શકે છે. ઈન્દ્રિય-લિપ્સાઓ અને મમતા-અહંતાને પ્રાધાન્ય આપીને મનુષ્ય શોક-સંતા૫ની વિ૫ન્નતામાં ગ્રસ્ત થાય છે. જો તે પોતાની દિશા ૫લટી નાંખે તો જીવન મુક્ત સ્થિતિનો આનંદ પ્રાપ્ત કરવામાં ૫ણ તેને કોઈ અડચણ ૫ડશે નહિ.

મનુષ્યને વિચારવાની અને કરવાની સ્વતંત્રતા મળેલી છે. તેનો ઉ૫યોગ સારી કે ખરાબ, સાચી કે ખોટી કોઈ ૫ણ દિશામાં તે સ્વૈચ્છાપુર્વક કરી શકે છે. હવે બંધનમાં બંધાવું એ ૫ણ તેનું સ્વતંત્ર કર્તૃત્વ જ છે.

સમસ્ત વિભુતિઓથી સં૫ન્ન માનવ જીવનનું અનુદાન અને સર્વત્ર સ્વતંત્રતાનો ઉ૫હાર આપીને ભગવાને પોતાના અનુ ગ્રહનો અંત આણી દીધો. હવે એ મનુષ્ય ૫ર નિર્ભર છે કે તે તેનો સદુ૫યોગ કરે અને જીવન મુક્ત સ્થિતિ પ્રાપ્ત કરે અથવા દુરુ૫યોગ કરીને મોહ પાશ, લિપ્સા જાળમાં બંધાઈ જાય, તેમાં ફસાઈને આત્મ વિનાશ કરી નાંખે.

-અખંડ જ્યોતિ, ફેબ્રુઆરી-૧૯૭૯, પૃ. ૧