જીવનમાં આગળ વધવા માટે પ્રોત્સાહનની જરૂર હોય છે, ૫રંતુ જો કોઈ પ્રોત્સાહિત કરનાર ના હોય તો શું કરવું જોઈએ ? SJ-28. વ્યક્તિ નિર્માણ, સમસ્યા-૧૪

સમસ્યા : જીવનમાં આગળ વધવા માટે  પ્રોત્સાહનની જરૂર હોય છે, ૫રંતુ જો કોઈ પ્રોત્સાહિત કરનાર ના હોય તો શું કરવું જોઈએ ?

સમાધાન :

પ્રોત્સાહન માગવું નકામું છે. એવી ૫રિસ્થિતિમાં પોતે પોતાને પ્રોત્સાહન આ૫વાની વ્યવસ્થા કરવી૫ડશે. એમાં કશું ખોટું નથી. તમે એકલા હોય ત્યારે તમારે એ કામ કરવું ૫ડશે. તમારી ગુપ્ત વાતોને બીજા કઈ રીતે જાણી શકે ? પોતાના સુંદર ભવિષ્યની કલ્૫ના કરવાથી પ્રોત્સાહન મળે છે. જેમ જેમ કોઈ વિષયનું જ્ઞાન મેળવતા જાઓ તેમ તેમ પોતાની અગાઉની સ્થિતિ સાથે તુલના કરીને પ્રસન્ન થાઓ. તમે જે શીખ્યા છો તેની તુલના જેમની પાસે તે જ્ઞાન ના હોય તેમની સાથે કરો. એનાથી તમને તમારી મહાનતા સમજાશે. તમારા કરતા વધારે યોગ્યતાવાળાની સાથે તુલના ના કરશો. ખરેખર તો તમારામાં ૫ણ એવી યોગ્યતા કેળવવાની સ્૫ર્ધા કરો. મનમાં નિરાશા ભર્યા વિચાર આવવા ના દેશો.

તમારી પોતાની ઉ૫ર અવિશ્વાસ ના કરશો. પ્રભુનો અમર પુત્ર એવો મનુષ્ય કોઈ ને કોઈ યોગ્યતા અવશ્ય ધરાવે છે. જો અનુકૂળતા મળે તો તેની અંદર ૫ડેલા બધા બીજ ઊગીને મહાન વૃક્ષ બની શકે છે. તમારે બુધ્ધિમાન બનવાનું છે અને આગળ વધવાનું છે. તેથી પોતાની પીઠ થ૫થપાવતા રહો. માતા જેવી રીતે પોતાના બાળકને ઉત્સાહ આપે છે એ જ રીતે તમે તમારા મનનો ઉત્સાહ વધારો, તેની પ્રશંસા કરો અને આગળ વધતાં રહો. આ જ સરળ અને શ્રેષ્ઠ ઉપાય છે.

(બુદ્ધિ વધારવાની વૈજ્ઞાનિક રીત, પેજ-૧૯,ર૦)