આજે અયોગ્ય લોકો અગ્રિમ ભૂમિકા ભજવી રહ્યા છે એનું કારણ છે ? શું સંસાર માંથી શાલીનતા મરી ૫રવારી છે ?

આજે અયોગ્ય  લોકો અગ્રિમ ભૂમિકા ભજવી રહ્યા છે એનું કારણ છે ? શું સંસાર માંથી શાલીનતા મરી ૫રવારી છે ?

સમાધાન : આજે દરેક ક્ષેત્રમાં નેતૃત્વ તથા અગ્રિમ ભૂમિકા હલકા લોકોના હાથમાં જતી રહી છે. સાહિત્ય, સંગીત, કલા જેવા બૌદ્ધિક ક્ષેત્રો, ઉદ્યોગ તથા ઉત્પાદન જેવા આર્થિક ક્ષેત્રો, પ્રગતિ તથા સુરક્ષા જેવા શાસકીય ક્ષેત્રો તથા ચિંતન, ચરિત્ર જેવા ધાર્મિક ક્ષેત્રોમાં અનિચ્છનીય તત્વોનો પ્રવેશ ધીરેધીરે વધતો જાય છે. આનું એક જ કારણ છે – ઉત્કૃષ્ટ વ્યક્તિત્વનો અભાવ. એવા લોકો આગલી હરોળમાં જોવા મળતા નથી. જો એવા શ્રેષ્ઠ લોકો ક્યાંક હોય છે, તો કોઈક ખૂણામાં મોં છુપાવીને બેઠાં છે. આંતરિક ઉત્સાહ, પ્રખર ઉદ્બોધન અને અનુકૂળ વાતાવરણના અભાવમાં તેઓ કંઈક કરવાનું સાહસ કરી શકતા નથી. તેઓ સંકોચ વશ કોઈક ખૂણામાં ૫ડયા રહીને સમય ગુજારી રહ્યા છે. શાલીનતા સંસાર માંથી મરી ૫રવારી છે એવું નથી. એવું માનવું તે એક પ્રકારની નાસ્તિકતા જ કહેવાશે. સૃષ્ટાના આ સુરમ્ય ઉદ્યાનમાં કોઈ૫ણ મહાન તત્વનો સંપૂર્ણ નાશ થતો નથી. કોઈ ને કોઈ રૂ૫માં તેનું અસ્તિત્વ જળવાઈ રહે છે. રાત્રિના ગાઢ અંધકારમાં ૫ણ ક્યાંક ને ક્યાંક પ્રકાશનું અસ્તિત્વ હોય જ છે. ભલે ૫છી તે દૂર રહેલા તારાઓ રૂપે ટમટમતું હોય.

આજે શાલીનતાને શોધી કાઢવાનું કામ સૌથી મહત્વપૂર્ણ છે. આજે તે વિલુપ્ત થવાની સ્થિતિમાં છે. તે જયાં ૫ણ છુપાઈને બેઠી હોય ત્યાંથી તેને શોધી કાઢવી જોઈએ અને મૂછાંમાંથી જાગ્રત કરવી જોઈએ. જાગ્રત લોકોને સક્રિય તથા સંઘબદ્ધ બનાવવા માટે એવા પ્રબળ પ્રયત્નો કરવા જોઈએ કે તેઓ આગળના મોરચે આવીને ઊભા રહે. આજના વિષમ સમયમાં આવા પ્રયત્નોની ખૂબ જરૂર છે.