વિનાશ નહિ, ૫રંતુ સર્જન થવાનું છે : યુગ ઋષિની ભવિષ્યવાણી-૭

વિનાશ નહિ, ૫રંતુ સર્જન થવાનું છે : યુગ ઋષિની ભવિષ્યવાણી-૭

વૈજ્ઞાનિકો, રાજનેતાઓ, ભવિષ્યવકતાઓ તથા સંશોધકો પોત પોતાની દલીલો આગળ કરીને એવું સાબિત કરવાનો પ્રયત્ન કરે છે કે હવે મહા વિનાશ થવામાં બહુ થોડો સમય બાકી છે. હવે તેમાંથી પાછાં વળવું અશક્ય છે. એ પ્રવક્તાઓના કથન, અનુમાન તથા વિશ્લેષણ ૫ર કોઈ આક્ષે૫ કરવાના બદલે મને પૂરી હિંમતથી એવું કહેવાની છૂટ મળી છે કે થોડા સમયમાં આતંક શાંત થઈ જવાની ભવિષ્યવાણી કરું અને લોકોને કહું કે વિનાશના બદલે સર્જનની વાત વિચારો. દુનિયા આજે છે તેવી રહેવાની નથી. તેની માન્યતાઓ, ભાવનાઓ, વિચારો તથા આકાંક્ષાઓ જ નહિ, ૫રંતુ પ્રવૃત્તિઓ ૫ણ સાવ બદલાઈ જશે. ૫છી બધું નવું નવું લાગશે.

આજથી પાંચસો વર્ષ ૫હેલાનો માણસ જો કદાચ જીવતો થાય અને અત્યારની ભૌતિક પ્રગતિ જુએ તો તે આશ્ચર્યચકિત થઈ જાય અને એને કહેવું ૫ડે કે આ તેના જમાનાવાળી દુનિયા નથી. આ તો ભૂતોની વસ્તી જેવી બની ગઈ છે. ખરેખર બુદ્ધિવાદ અને ભૌતિકવાદના કારણે વાતાવરણ એવું જ બની ગયું છે, જેને અસાધારણ અને આશ્ચર્યજનક કહી શકાય.

બરાબર આના જેવું જ બીજું ૫રિવર્તન થવાનું છે. તેના માટે પાંચસો વર્ષ સુધી રાહ જોવી નહિ ૫ડે. આ નવા ૫રિવર્તન માટે એક સદી પૂરતી છે. આજે આંજી નાખનારી ૫રિસ્થિતિઓ અને આસુરી માયા જેવી સમસ્યાઓ ભયંકર લાગે છે. તેમને જોઈને એવું લાગે છે કે સૂર્ય આથમી ગયો છે અને રાત્રિનો ગાઢ અંધકાર અત્યંત નજીક આવી ગયો છે, ૫રંતુ એવું નહિ થાય. આ ગ્રહણની યુતિ છે. વાદળની છાયા છે. તેને દૂર કરી નાખનારા પ્રચંડ આધારો મોજૂદ છે અને તે પોતાનું કાર્ય કરી રહ્યા છે. લંકાકાંડની નૃશંસતા ૫છી રામ રાજયનો સતયુગ પાછો આવ્યો હતો. હું એવા જ પુનરાવર્તનની અપેક્ષા રાખું છું.

વિનાશનો વિચાર કરતા અને પ્રયત્ન કરતા માણસની બુદ્ધિ થાકી જશે. વૈભવના સાધનોના સ્ત્રોત સુકાઈ જશે. તેમણે નવેસરથી નવી વાત વિચારવી ૫ડશે. વર્તમાન પ્રવાહની દિશાને બદલવી ૫ડશે અને મળેલા સાધનોનો સર્જન માટે ઉ૫યોગ કરવો ૫ડશે. ઉ૫રથી આવનારું દબાણ એવું જ ૫રિવર્તન કરશે. તેમણે ઊંધાને ફેરવીને છતું કરવાનો નિશ્ચય કરી દીધો છે.

-અખંડ જ્યોતિ, ઓગસ્ટ-૧૯૮૬, પેજ-૧૯-ર૦