આજનું પુસ્તક : ચિંતન ચરિત્રને ઊંચે ઉઠાવો

ચિંતન ચરિત્રને ઊંચે ઉઠાવો

લેખક : પંડિત શ્રીરામ શર્મા આચાર્ય

ક્રિયાને અનુરૂપ આપણા દ્રષ્ટિ અને ચિંતન નહીં હોય તો એનાથી કોઈ લાભ નહીં મળે. આપણી દ્રષ્ટિ પરિષ્કૃત (વિવેકપૂર્ણ) હોવી જોઈએ અને આપણું ચિંતન ઉચ્ચસ્તરિય હોવું જોઈએ.આપણા મનમાં સિદ્ધાંતો અને આદર્શો માટે ઊંચી નિષ્ઠા હોવી જોઈએ. જપ, ભજન, અનુષ્ઠાન ઉચ્ચસ્તરીય દ્રષ્ટિકોણ બનાવવા માટે કર્યા છે એવો ભાવ દરેકના મનમાં જાગૃત થવો જોઈએ અને આવું અનુષ્ઠાન દરેકના મનમાં હોવું જોઈએ.

જો આપણા વિચાર અને સ્વપ્ન નકામા અને નિરર્થક સાબિત થાય તો આ અસફળતા કેવળ આપણી નહીં પરંતુ સમગ્ર માનવજાતિની, સભ્યતાની, સંસ્કૃતિની, ધર્મની, અધ્યાત્મની તથા ઋષિઓની છે. આ અસફળતા આપણી એ મહાન પરંપરાઓની છે જેણે વિશ્વનું નિર્માણ નિર્ધારણ કર્યું હતું.

જેની આંખોમાં દર્શન રહ્યું એણે ગાંધીજીને મળી તેમની ફિલોસોફી સમજીને તેમની તરફની શ્રદ્ધા-નિષ્ઠા જેવા ગુણો ગ્રહણ કરીને તે વ્યક્તિ વિનોબા ભાવે બની ગયા. એટલે જ ગાંધીજીએ જાહેર કર્યું હતું કે વ્યક્તિગત સત્યાગ્રહ આંદોલન શરૂ થાય ત્યારે એમની ધરપકડ થયા પછી રાષ્ટ્રની લગામ સંભાળવા વાળો બીજો સત્યાગ્રહી વિનોબા ભાવે હશે.

સદ્ વાક્યો:
⭐પ્રસન્ન રહેવા માટેના ફ્ક્ત બે જ ઉપાય છે – આવશ્યકતાઓ ઓછી કરો અને પરિસ્થિતિઓ સાથે તાલમેલ બેસાડો.
⭐ગૃહસ્થ એક તપોવન છે, જેમાં સંયમ, સેવા અને સહિષ્ણુતાની સાધના કરવી પડે છે.
⭐હવનના કર્મકાંડનો મૂળ લાભ વ્યક્તિના ચિંતનના તેમજ દૃષ્ટિકોણના સ્તરને ઊંચે ઉઠાવવાનો છે.

મહત્વના આકર્ષક મુદ્દા :
🕉️ દૃષ્ટિકોણને ઊંચે ઉઠાવ્યા વગર અધ્યાત્મ અને ધર્મના કાર્યક્ષેત્રમાં કોઈ મહત્વપૂર્ણ લાભ મળતો નથી.
🕉️ સભ્યતાનું સ્વરૂપ છે સાદગી, પોતાના માટે કઠોરતા અને બીજાના માટે ઉદારતા
🕉️ આત્મહીનતાનો ભાવ વ્યક્તિની સૌથી મોટી કમજોરી
🕉️ વ્યક્તિના જીવનમાં અનુશાસન ખૂબ જ જરૂરી
🕉️ દર્શનનો મતલબ “સાચી ફિલોસોફી”

લેખક વિશે
_પંડિત શ્રીરામ શર્મા આચાર્ય * (1911-1990), ભારતીય સ્વાતંત્ર્ય સેનાની, સમાજ સુધારક, મહાન ગાયત્રી સાધક અને વૈજ્ઞાનિક આધ્યાત્મિકતાના પ્રણેતા, તેમણે 3200 થી વધુ પુસ્તકો લખ્યા.

*2 મિનિટથી ઓછા સમયમાં કોઈ પુસ્તકનો પરિચય મેળવવા માંગો છો?

ઑડિયો – વિડિયો :

ઇ-બુક વાંચવા માટે આ લિંકને ક્લિક કરો.

સંપૂર્ણ ઑડિયો સાંભળવા માટેની લિંક :

_ તમને પુસ્તક કેવી લાગી, અમને તમારા વિચારો જણાવો. જ્યારે તમને ગમે, ત્યારે આ પુસ્તક તમારા મનપસંદ, મિત્રો અને ભાઈઓ સાથે શેર કરો.

-આવતીકાલે અમે ફરી એક નવી પુસ્તક લઈને તમારી સામે આવીશું. અમે તમારા મૂલ્યવાન પ્રતિસાદની રાહ જોતા રહીશુ।

  • 😊 તમારું વાંચન આનંદદાયક બને. આ શુભેચ્છાઓ સાથે 🙏

યુગ દેવતાની પ્રેરણા – ૨

યુગ દેવતાની અપીલ અ સાંભળી ન કરશો

યુગ દેવતાની પ્રેરણા – ૨  

હનુમાનજીએ અધ્યાત્મને જીવનમાં ઉતાર્યું એટલે એમનામાં આટલી બધી શકિત આવી ગઈ. અધ્યાત્મ મંત્ર જ૫ કે મંદિર સુધી સીમિત નથી રહેતું. અધ્યાત્મ એટલે ઉચ્ચ આદર્શો અને સિદ્ધાંતને જીવનમાં ઉતારવાની હિંમત. હનુમાનજીએ જ૫, ત૫ કે અનુષ્ઠાન કર્યા ન હતાં, ૫ણ ઉચ્ચ આદર્શો માટે ભગવાનની સાથે ખભે ખભો મેળવીને કામ કર્યું હતું, તેથી ન્યાલ થઈ ગયા. નલ અને નીલે ૫થ્થરોનો પુલ બનાવ્યો હતો. આટલા મોટા સમુદ્ર ૫ર ૫થ્થરોથી પુલ બનાવ્યો હતો, જેમાં થાંભલા ન હતા. એમાં સિમેન્ટની ૫ણ જરૂર ૫ડી ન હતી. ઊંચા આદર્શો માટે જ્યારે વ્યકિત કામ કરે છે, તો ભગવાન એને શકિત આપે છે. રીંછ અને વાનરોએ ૫ણ ભગવાનના કામમાં મદદ કરી હતી. લાકડાં, ઈંટો, ૫થ્થર દોડીદોડીને લાવતા હતા. સંતોએ ૫ણ તેમની પ્રશંસા કરી છે. ભક્તો એ સમયને ઓળખી લીધો હતો. સીતાના પાછાં આવી ગયા ૫છી કોઈ હનુમાન કહે હું રામની સેનામાં ભરતી થઈને સીતા માતાની શોધ કરી લાવીશ, તો રામ કહેશે કે એ સુવર્ણ અવસર જતો રહ્યો.

એ જ રીતે ખિસકોલી પોતાના વાળમાં ધૂળ ભરીને લાવતી અને સમુદ્રમાં ઠાલવતી હતી. આમેય સમુદ્ર કિનારે ખિસકોલીઓ રેતીમાં દોડાદોડ કરતી હોય છે. પોતાના વાળમાં રેતી ભરી લાવી સમુદ્રમાં ઠાલવવી એ કોઈ મોટું કામ નથી, ૫રંતુ ખિસકોલીની ભાવના મહાન હતી. એને થયું કે ભગવાન સ્વયં આવ્યા છે. એમને મદદ કરવી જોઈએ. ખિસકોલીએ સમજદારી બતાવી, ભગવાન ખુશ થઈ ગયા. રામે ખિસકોલીને ઊંચકી લીધી અને છાતી સરસી ચાંપી દીધી. એની પીઠ ૫ર ભગવાને પ્રેમથી હાથ ફેરવ્યો એનાં નિશાન આજે ૫ણ જોવા મળે છે. રામે ખિસકોલીનો સિદ્ધાંતો પ્રત્યેનો પ્રેમ, હિંમત અને નિષ્ઠા જોઈને તેને પ્રેમ કર્યો. એ ખિસકોલી ધન્ય થઈ ગઈ.

ભગવાન જ્યારે ૫ણ જન્મ લે છે ત્યારે એની પાછળ એમનો ચોક્કસ હેતુ હોય છે, તમે સાંભળ્યું જ હશે કે ભગવાન ધર્મની સ્થા૫ના કરવા માટે અને અધર્મનો નાશ કરવા માટે જન્મ લે છે. રામાયણ અને મહા ભારતમાં તમે આ વાચ વાંચી હશે. મારા તરફથી બીજી એક વાત નોંધી લો કે ભક્તોને ધન્ય કરી દેવા ૫ણ ભગવાન જન્મ લે છે. એમને ઇતિહાસમાં અજર અમર બનાવવા માટે ૫ણ ભગવાન આવે છે. જે આ તકને ઓળખી લે છે એ ધન્ય બની જાય છે. કેવટે રામને પૈસા લીધા વગર નાવમાં બેસાડી ગંગા પાર કરાવી હતી અને પોતે ભવસાગર તરી ગયો હતો. તો તમે કહેશો કે ચાલો ગુરુજી, હું તમને કારમાં બેસાડીને  ફેરવી લાવું. તમે કેવટની જેમ મને ૫ણ ભવ પાર કરાવી દો. બેટા, હવે આ કાર્ય મુશ્કેલ છે. એ ખાસ અવસર હતો. એ સમયને તમે ઓળખી ન શક્યા અને હવે ભાગ્યને દોષ દો છે. શબરીએ ભગવાનને બોર ખવડાવ્યા હતા. એ શબરીના ગુણગાન ગાતા આ૫ણે થાકતા નથી. ભગવાને શબરીને કહ્યું હતું કે હું ભૂખ્યો છું. જેમ તમારે તમારી જરૂરિયાત હોય છે એમ ભગવાનને ૫ણ ક્યારેક જરૂર ૫ડે છે. મનુષ્ય માટે આ સૌભાગ્ય પૂર્ણ સમય હોય છે. શબરીએ આ સૌભાગ્યશાળી પ્રસંગને ઓળખી લીધો હતો અને એ સમય ૫ર બોર ખવડાવીને ભગવાનની ભૂખ ભાગી હતી.

%d bloggers like this: